ဒေါက်တာဆိတ်ဖွား ဒီတစ်ခါတော့ ရှိစေ » ICT.com.mm
Need Help? Call 0942 000 4551
အိမ်အရောက် အခမဲ့ ပို့ဆောင်ပေးမည်။ ပစ္စည်း အာမခံချက် တာဝန်ယူသည်။

ဒေါက်တာဆိတ်ဖွား ဒီတစ်ခါတော့ ရှိစေ

ဒေါက်တာဆိတ်ဖွား ဒီတစ်ခါတော့ ရှိစေ
Jul 2, 2013 Kan Gyi
Hluttaw

ဇူလိုင်လ ၁ရက်နေ့တွင် ကျင်းပခဲ့သော ပြည်ထောင်စု လွှတ်တော် အစည်းအဝေးတွင် ပြည်ထောင်စု လွှတ်တော် နာယကမှ ဒေါက်တာ ဆိတ်ဖွားကိစ္စနှင့် ပတ်သက်၍ “ငရဲမကြီးရအောင် အဆဲပြီး ဆေးဆောင်ထားရန်” လွှတ်တော်ကိုယ်စားလှယ်များသို့ မေတ္တာရပ်ခံခဲ့ပြီး ဒေါက်တာဆိတ်ဖွားဆိုသူအား နောင်တွင် ယခုကဲ့သို့ လုံးဝ မပြုလုပ်ရန် သတိပေးလိုက်ကြောင်း သိရသည်။

ဒေါက်တာဆိတ်ဖွား၏ Above The Law ခေါင်းစဉ်ပါ ဝေဖန်ချက်နှင့် စပ်လျဉ်းသည့် စုံစမ်းရေး ကော်မရှင်၏ အစီရင်ခံစာကို ကော်မရှင် ဥက္ကဋ္ဌ ဦးမြညိမ်းက ဖတ်ကြားခဲ့ ပြီးနောက် ပြည်ထောင်စု လွှတ်တော် နာယကမှ ၎င်း၏ အစီရင်ခံစာ ဆုံးဖြတ်ချက်ကို ဖတ်ကြားခဲ့ခြင်း ဖြစ်သည်။ အဆိုပါ ဒေါက်တာ ဆိတ်ဖွားကိစ္စနှင့် ပတ်သက်၍ စုံစမ်းရေး ကော်မရှင်မှ Street View အပတ်စဉ်ထုတ် ဂျာနယ် အကြံပေး (ယခင် အယ်ဒီတာချုပ်)ဖြစ်သူ ဦးခင်မောင်ညို (ဘောဂဗေဒ)နှင့် ပြန်ကြားရေးဝန်ကြီးဌာန၊ ဒုတိယဝန်ကြီး ဦးရဲထွဋ်တို့အား လည်း ခေါ်ယူစစ်ဆေးခဲ့ကြောင်း သိရသည်။

လွှတ်တော်သည် အစိုးရတစ်ရပ်ကဲ့သို့ စုံစမ်းဖော်ထုတ်နိုင်စွမ်း မရှိသည့်အတွက် ဒေါက်တာ ဆိတ်ဖွားကို သိစေကာမူ တစ်နေ့နေ့ တစ်ချိန်ချိန်တွင် ပေါ်ပေါက်တတ်စမြဲ ဓမ္မတာကြောင့် ယင်း၏ ကျူးလွန်မှုကို လွှတ်တော် ကိုယ်စားလှယ်များ အနေဖြင့် သင်္ဂဇာ ဆရာတော်ဘုရား၏ ထုံးကို နှလုံးမူစေလိုကြောင်း ဒေါက်တာ ဆိတ်ဖွား၏ ဝက်ဘ်ဆိုက်တွင် ဇန်နဝါရီ ၂၀ရက်နေ့က တင်ထားသော တောင်းပန်ခြင်းကို လက်ခံသော်လည်း စာနယ်ဇင်းသမားများသည် အမှန်ကို အမှန်အတိုင်း ရေးရသည်။ ရေးရဲသည်ကိုလည်း အထောက်အထား ခိုင်ခိုင်လုံလုံဖြင့် မှန်ကန်ကြောင်း တာဝန်ယူရဲရမည် ဖြစ်၍ နောက်နောင်တွင် ဤကဲ့သို့ လုံးဝမပြုလုပ်ရန် ပြည်ထောင်စု လွှတ်တော်နာယကအနေဖြင့် သတိပေးလိုက်သည်ဟု သိရပါသည်။

Comments (2)

  1. Myo Thiha 4 years ago

    နိုင္ငံေရးက ေတာ့ ထူးဆန္းတာေတြပဲ။ အမတ္ေတြ လႊတ္ေတာ္ထဲမွာ ေဆြးေႏြးမွဳေတြကုိ ၿမန္မာနုိင္ငံေကာင္းမြန္ဖုိ ့တုိးတက္ဖုိ ့အတြက္ မွန္ကန္ခုိင္မာစြာ အေကာင္အထည္ေဖာ္ ေဆာင္ရြက္ေပးနုိင္ပါေစလုိ ့ေမွ်ာ္လင့္မိပါတယ္။

  2. thwethweaye 4 years ago

    ေဒါက္တာဆိတ္ဖြားကုိ သတိေပးလုိက္ေပမယ့္ အလားတူကိစၥမ်ဳိးျဖစ္လာခဲ့မယ္ဆုိရင္ေကာ လႊတ္ေတာ္က ဘယ္လုိပုဒ္မေတြတပ္ၿပီး အေရးယူႏုိင္လုိ႔လဲ။

Leave a reply

Your email address will not be published. Required fields are marked *

*