Designer On Runway 2013အတွက် လျှောက်လွှာခေါ် » ICT.com.mm
Need Help? Call 0942 000 4551
အိမ်အရောက် အခမဲ့ ပို့ဆောင်ပေးမည်။ ပစ္စည်း အာမခံချက် တာဝန်ယူသည်။

Designer On Runway 2013အတွက် လျှောက်လွှာခေါ်

Designer On Runway 2013အတွက် လျှောက်လွှာခေါ်
Jun 28, 2013 Kan Gyi
Fashion Design in Myanmar

ရန်ကုန်နှင့် မန္တလေးမှ ဖက်ရှင်ဒီဇိုင်နာ ဖြစ်လိုသူများအတွက် Designer On Runway 2013 ပြိုင်ပွဲအတွက် ပြိုင်ပွဲဝင် လျှောက်လွှာများကို ဇွန်လ ၃၀ရက်နေ့ နောက်ဆုံး ထား၍ လျှောက်ထားနိုင်ကြောင်း သိရသည်။ အဆိုပါ ပြိုင်ပွဲမှာ ဖက်ရှင် ဒီဇိုင်နာ လောက တိုးတက်လာစေရန်နှင့် ဖက်ရှင် ဒီဇိုင်နာ ဖြစ်လိုသူများအား မြေတောင်မြှောက်ပေးရန် ရည်ရွယ်၍ ကျင်းပခြင်း ဖြစ်ပြီး မန္တလေးမြို့၌ ကျင်းပသွားမည် ဖြစ်သည်။

“ကျွန်တော်တို့က မန္တလေးက ဆိုတော့ ပွဲကိုလည်း မန္တလေးမှာပဲ လုပ်ဖြစ်မှာပါ။ ဒါပေမယ့် ရန်ကုန်က ပြိုင်ချင်တဲ့ သူတွေလည်း ဝင်ရောက် ယှဉ်ပြိုင်နိုင်ပါတယ်။ ပထမဆုံးအဆင့်အနေနဲ့ ပြိုင်ပွဲဝင် လျှောက်တဲ့အခါ A4 အရွယ်အစားနဲ့ စိတ်ကြိုက်ဖက်ရှင် ပုံကြမ်း ငါးပုံကို ပေးရပါမယ်။ အဲဒီထဲကမှ ရွေးချယ်ပြီး ပြိုင်ပွဲဝင်ရမယ့် သူတွေကို အွန်လိုင်းကတစ်ဆင့် ကြေညာပေးသွားမှာပါ”ဟု အဆိုပါ ပွဲစီစဉ်သူ Shell Entertainmentမှ တာဝန်ခံတစ်ဦးက ပြောကြားပါသည်။

၎င်းပြိုင်ပွဲကို ဇူလိုင်လတွင် ကျင်းပမည် ဖြစ်ပြီး ဒုတိယအဆင့်အတွက် မိမိတို့ စိတ်ကြိုက် ဝတ်စုံ ဒီဇိုင်းများဖြင့် Shell Entertainmentမှ စီစဉ်ပေးသော မော်ဒယ်လ်များက ဝတ်ဆင်ယှဉ်ပြိုင်သွားစေမည် ဖြစ်ကြောင်း သိရပါသည်။

Comment (1)

  1. ei hnin phyo 4 years ago

    ေကာငး္ပါတယ္ ျပိဳင္ပြဲေတြမ်ားမ်ားလုပ္ေပးေတာ့ အရည္အခ်င္းေတြတိုးတက္တာေပ့ါ

Leave a reply

Your email address will not be published. Required fields are marked *

*