တောင်ကိုရီးယား အစိုးရ ၀က်ဘ်ဆိုက်တစ်ခု Hackerများ တိုက်ခိုက် » ICT.com.mm
Need Help? Call 0942 000 4551
အိမ်အရောက် အခမဲ့ ပို့ဆောင်ပေးမည်။ ပစ္စည်း အာမခံချက် တာဝန်ယူသည်။

တောင်ကိုရီးယား အစိုးရ ၀က်ဘ်ဆိုက်တစ်ခု Hackerများ တိုက်ခိုက်

တောင်ကိုရီးယား အစိုးရ ၀က်ဘ်ဆိုက်တစ်ခု Hackerများ တိုက်ခိုက်
Jun 26, 2013 Admin
cnet.com

တောင်ကိုရီးယား အစိုးရ ကိုယ်ပိုင် ၀က်ဘ်ဆိုက်တစ်ခုသည် ဟက်ကာများ၏ တိုက်ခိုက််ခြင်း ခံခဲ့ရကြောင်း တောင်ကိုရီးယားနိုင်ငံ၏ သိပ္ပံရေးရာ၀န်ကြီးဌာနမှ ထုတ်ဖော်ပြောကြားခဲ့သည်။ တောင်ကိုရီးယား နိုင်ငံသည် ယင်းတို့၏ ကိုရီးယားစစ်ပွဲပြီးမြောက်ခြင်း ၆၃နှစ်မြောက် အထိမ်းအမှတ်ပွဲတွင် ဟက်ကာများ Hackခြင်းကို နောက်ဆုံးခံခဲ့ရခြင်း ဖြစ်သည်။ ၀န်ကြီးဌာနမှ ပြောကြားချက်အရ အစိုးရကိုယ်ပိုင် ဆိုက်များသည် လွန်ခဲ့သည့်ကြာသာပတေးနေ့တွင် အဟက်ခံခဲ့ရပြီး အတိုက်ခံခဲ့ရသည့် ဆိုက်များတွင် သမ္မတရုံး၀က်ဆိုက်နှင့် မီဒီယာပြန်ကြားရေး ၀က်ဘ်ဆိုက်များ ပါ၀င်ခဲ့ကြောင်း သိရသည်။

တောင်ကိုရီးယားအစိုးရအနေဖြင် ့ ထိုကိစ္စအတွက် ပြင်းထန်သည့် စစ်ဆေးမှုများ ပြုလုပ်နေလျက်ရှိပြီး ပြည်သူများအနေဖြင့် မိမိတို့၏ ကွန်ပျူတာစနစ်များကို အထူး ဂရုစိုက်ကြရန် တိုက်တွန်း နှိုးဆော်ထားသည်။ အဆိုပါဖြစ်ရပ်အတွက် မသင်္ကာသူအဖြစ် သတ်မှတ်ခံထားရသူ မရှိသေးသော်လည်း တောင်ကိုရီးယား အစိုးရသည် ထိပ်တန်း ကိစ္စတစ်ရပ်အဖြစ် စုံစမ်းမှုများ ပြုလုပ်သွားမည် ဖြစ်ကြောင်း ခန့်မှန်းရသည်။ တောင်ကိုရီးယားနိုင်ငံသည် မတ်လက ဖြစ်ပွားခဲ့သည့် ကြိုးမဲ့ ဆက်သွယ်ရေးဌာနများနှင့် ဘဏ်များ၏ ကွန်ပျူတာ ရာပေါင်းများစွာအား Hack ခံခဲ့ရခြင်းအပေါ် မြောက်ကိုရီးယားနိုင်ငံအား စွပ်စွဲခဲ့သည်။ တောင်ကိုရီးယားနိုင်ငံရှိ အင်တာနက်အေဂျင်စီမှ ပြောရေးဆိုခွင့်ရှိသူတစ်ဦးက ယခုတိုက်ခိုက်ခံရသည့် ပုံစံသည် ယခင်မြောက်ကိုရီးယားမှ အရေးကြီး၀က်ဘ်ဆိုက်များကို Hackရန် ကြိုးစားခဲ့သည့်ပုံစံနှင့် တူညီနေသည်ကို တွေ့ရကြောင်း ပြောကြားခဲ့သည်။

Comments (2)

  1. ei hnin phyo 4 years ago

    အစိုးရ website က္ိုတိုက္ခိုက္ႏုိင္တယ္ဆိုေတာ့သူ႕မွာအရည္အခ်င္းေတြအမ်ားၾကီးရွိလို႕ေပ့ါ

  2. may thu kyaw 4 years ago

    ေအာ္…..လူေတြ..ေအးေအးမေနက်ဘူး…….

Leave a reply

Your email address will not be published. Required fields are marked *

*