မြန်မာ့ဆက်သွယ်ရေး လုပ်ငန်းမှ ပြည်သူများသို့ တန်ဖိုးနည်း မိုဘိုင်းတယ်လီဖုန်းများနှင့် ပတ်သက်၍ ထပ်မံ အသိပေး ကြေညာချက် » ICT.com.mm
Need Help? Call 0942 000 4551
အိမ်အရောက် အခမဲ့ ပို့ဆောင်ပေးမည်။ ပစ္စည်း အာမခံချက် တာဝန်ယူသည်။

မြန်မာ့ဆက်သွယ်ရေး လုပ်ငန်းမှ ပြည်သူများသို့ တန်ဖိုးနည်း မိုဘိုင်းတယ်လီဖုန်းများနှင့် ပတ်သက်၍ ထပ်မံ အသိပေး ကြေညာချက်

မြန်မာ့ဆက်သွယ်ရေး လုပ်ငန်းမှ ပြည်သူများသို့ တန်ဖိုးနည်း မိုဘိုင်းတယ်လီဖုန်းများနှင့် ပတ်သက်၍ ထပ်မံ အသိပေး ကြေညာချက်
Apr 27, 2013 Admin
preapaid card

ပြည်နယ်နှင့် တိုင်းဒေသကြီး အစိုးရအဖွဲ့များ၏ ကြီးကြပ်မှုဖြင့် ၂၀၁၃ခုနှစ်၊ ဧပြီလ ၂၄ရက်နေ့တွင် စတင် ရောင်းချမည့် MECTEL အမှတ်တံဆိပ်ပါ တန်ဖိုးနည်း CDMA-800MHz မိုဘိုင်း တယ်လီဖုန်း စနစ်သည် လက်ရှိ မိုဘိုင်း တယ်လီဖုန်းများကဲ့သို့ အထွက်ခေါ်ဆိုမှုအတွက် တစ်မိနစ် (၅၀)ကျပ် ဖြစ်ပါသည်။ အ၀င်ခေါ်ဆိုမှု အတွက် ငွေပေးဆောင်ရန် မလိုအပ်ပါ။ အင်တာနက် အသုံးပြုမှုအတွက် ငွေကောက်ခံသည့်နှုန်းမှာ ယခင် CDMA-800MHz မိုဘိုင်း တယ်လီဖုန်းကဲ့သို့ တစ်မိနစ် အသုံးပြုခ (၄)ကျပ် ဖြစ်ပါသည်။ အင်တာနက် အသုံးပြုပါက သက်ဆိုင်ရာ ပြည်နယ်/ တိုင်းဒေသကြီးများရှိ မြန်မာ့ ဆက်သွယ်ရေး လုပ်ငန်းပြည်နယ်/ တိုင်းဒေသကြီး မန်နေဂျာများတွင် အင်တာနက်စနစ် ဆက်သွယ်မှု ကနဦး တပ်ဆင်ခ ကျပ်(၁၀၀၀၀) ပေးသွင်း လျှောက်ထားရပါမည်။

MECTEL အမှတ်တံဆိပ်ပါ တန်ဖိုးနည်း CDMA-800MHz မိုဘိုင်း တယ်လီဖုန်း စနစ်သည် မြန်မာနိုင်ငံ တစ်၀ှမ်းတွင် ရေဒီယိုစခန်းပေါင်း (၂၈၂) စခန်းရှိပြီး အဆိုပါ ရေဒီယို စခန်းများ၏ နယ်နမိတ် အတွင်းမှ ပြည်တွင်း/ ပြည်ပသို့ တယ်လီဖုန်း ခေါ်ဆိုမှုများ ပြုလုပ်နိုင်ပါသည်။ အဆိုပါ ရေဒီယိုစခန်းများ၏ နယ်နိမိတ် အတွင်း အပြန်အလှန် ယူဆောင် အသုံးပြုနိုင်ပါသည်။ ဆက်သွယ်မှု အရည်အသွေး ပိုမိုကောင်းမွန်စေရန်နှင့် ပိုမိုကျယ်ပြန့်စွာ ဆက်သွယ် ပြောဆိုနိုင်ရန်အတွက် စခန်းသစ်များကိုလည်း ထပ်မံ တိုးချဲ့ တည်ဆောက်လျက် ရှိပါသည်။MECTEL အမှတ်တံဆိပ်ပါ တန်ဖိုးနည်း CDMA-800MHz မိုဘိုင်း တယ်လီဖုန်းများသည် ကြိုတင် ငွေဖြည့်ကဒ် အသုံးပြု၍ ပြည်တွင်း/ ပြည်ပသို့ တယ်လီဖုန်း ဆက်သွယ် ပြောဆိုနိုင်ပါသည်။

ပြည်ပသို့ တယ်လီဖုန်း ခေါ်ဆိုလိုပါက MECTEL အမှတ်တံဆပ်ပါ နိုင်ငံခြားငွေသုံး ကြိုတင် ငွေဖြည့်ကဒ် (၁၀ ဒေါ်လာ, ၂၀ ဒေါ်လာ, ၅၀ ဒေါ်လာ)အား အသုံးပြုရပါမည်။ ဖော်ပြပါ MECTEL အမှတ်တံဆိပ်ပါ တန်ဖိုးနည်း CDMA-800MHz မိုဘိုင်းတယ်လီဖုန်း ကြိုတင် ငွေဖြည့်ကဒ်များ ရောင်းချမည့်နေရာ၊ ဒေသနှင့် အရောင်းဆိုင်များအား နေ့စဉ်ထုတ် သတင်းစာများတွင် ထည့်သွင်း ကြေညာထားပြီး ဖြစ်ပါသည်။
MECTEL CDMA-800MHz မိုဘိုင်း တယ်လီဖုန်း ကဒ်ပျောက်ဆုံးပါက မြန်မာ့ဆက်သွယ်ရေး လုပ်ငန်း ပြည်နယ်/ တိုင်းဒေသကြီး မန်နေဂျာ ရုံးများတွင် ကျပ် (၂၀၀၀၀) ပေးသွင်းပြီး ပြန်လည် လျှောက်ထားရပါမည်။ MECTEL မိုဘိုင်းတယ်လီဖုန်း ကဒ်ပျက်စီးပါက ပြည်နယ်/ တိုင်းဒေသကြီး မန်နေဂျာ ရုံးများတွင် အခမဲ့ လျှောက်ထား ရယူနိုင်ပါသည်။ MECTEL CDMA-800MHz မိုဘိုင်း တယ်လီဖုန်းနှင့် ပတ်သက်၍ မေးမြန်းလိုပါက တယ်လီဖုန်း အမှတ် ၃၄၅၆သို့ အခမဲ့ ဆက််သွယ် မေးမြန်း စုံစမ်း နိုင်ကြောင်း အသိပေးအပ်ပါသည်။

Comments (0)

Leave a reply

Your email address will not be published. Required fields are marked *

*